yarab tere karam se ye sauda karenge hum

yārab tire karam se ye saudā kareñge ham

duniyā meñ pī ke ḳhuld meñ tauba kareñge ham

yuuñ rasm-e-husn-o-ishq ko rusvā kareñge ham

tum muntazir rahoge na aaya kareñge ham

ā.īne meñ ḳhud apnā tamāshā kareñge ham

yuuñ bhī shab-e-firāq guzāra kareñge ham

jab tak na nazar aaoge aisā kareñge ham

har roz ik ḳhudā ko tarāshā kareñge ham

tujh ko biThā ke duur se dekhā kareñge ham

yuuñ bhī tire ġhurūr se khelā kareñge ham

jā tujh se be-niyāz hue bhūle terā zikr

tū chāhegā to terī tamannā kareñge ham

yarab tere karam se ye sauda karenge hum

duniya mein pi ke KHuld mein tauba karenge hum

yun rasm-e-husn-o-ishq ko ruswa karenge hum

tum muntazir rahoge na aaya karenge hum

aaine mein KHud apna tamasha karenge hum

yun bhi shab-e-firaq guzara karenge hum

jab tak na nazar aaoge aisa karenge hum

har roz ek KHuda ko tarasha karenge hum

tujh ko biTha ke dur se dekha karenge hum

yun bhi tere ghurur se khela karenge hum

ja tujh se be-niyaz hue bhule tera zikr

tu chahega to teri tamanna karenge hum