yarab wo waqt aaKHiri waqt-e-dua bhi ho

yārab vo vaqt āḳhirī vaqt-e-duā bhī ho

tauba kā mere vāste ik dar khulā bhī ho

dil chāhtā hai mujh se mile baar baar vo

milne kā baar baar sabab jāntā bhī ho

mumkin nahīñ hai roz jo milnā hameñ nasīb

un se kabhī-kabhār sahī rābta bhī ho

us se hī dil lagāyā vahī man kā miit hai

allah kare na aur koī ham-navā bhī ho

chāhat ke rang us ne jo mujh ko atā kiye

dil sochtā thā aise koī chāhtā bhī ho

us ne pukārā phir se hai jis ne kabhī kabhī

dil khol ke burā-bhalā ham ko kahā bhī ho

jalve bikhar rahe haiñ jo husn-o-jamāl ke

itne hujūm meñ koī chehra nayā bhī ho

us ne kahā hai jab se mirā dil nihāl hai

pyārī 'shagufta' tum ho mirī dilrubā bhī ho

yarab wo waqt aaKHiri waqt-e-dua bhi ho

tauba ka mere waste ek dar khula bhi ho

dil chahta hai mujh se mile bar bar wo

milne ka bar bar sabab jaanta bhi ho

mumkin nahin hai roz jo milna hamein nasib

un se kabhi-kabhaar sahi rabta bhi ho

us se hi dil lagaya wahi man ka mit hai

allah kare na aur koi ham-nawa bhi ho

chahat ke rang us ne jo mujh ko ata kiye

dil sochta tha aise koi chahta bhi ho

us ne pukara phir se hai jis ne kabhi kabhi

dil khol ke bura-bhala hum ko kaha bhi ho

jalwe bikhar rahe hain jo husn-o-jamal ke

itne hujum mein koi chehra naya bhi ho

us ne kaha hai jab se mera dil nihaal hai

pyari 'shagufta' tum ho meri dilruba bhi ho