یہاں آواز کو اپنی اٹھانا بھی چنوتی ہے
یہاں آواز کو اپنی اٹھانا بھی چنوتی ہے
کہ حق کہنے کی ہمت کو جٹانا بھی چنوتی ہے
نہیں معلوم کیا جادو ہے اس کافر کی باتوں میں
کہ اب لوگوں کو سچائی دکھانا بھی چنوتی ہے
کبھی نیندیں کبھی سپنے پکائے آنچ پر میں نے
کہ دور مفلسی میں گھر چلانا بھی چنوتی ہے
کبھی خنجر ہی کوئی گھونپ دے گا پیٹھ میں میرے
اسی ڈر سے گلے سب کو لگانا بھی چنوتی ہے
کھڑے ہیں میرے اپنے ہی میری منزل کے رستے میں
کہ ایسے حال میں منزل کو پانا بھی چنوتی ہے
جو ہر اک بحث کو مذہب کے منبر پر ہیں لے آتے
دلوں سے ان کے نفرت کو ہٹانا بھی چنوتی ہے
زباں پر پڑ گئے سچائی سے جو آبلے میرے
تو اب آواز لوگوں کو لگانا بھی چنوتی ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
