yahan hum be-zaban baiThe hue hain

yahāñ ham be-zabāñ baiThe hue haiñ

ki ham nok-e-sināñ baiThe hue haiñ

jinheñ sauñpā gayā farz-e-hifāzat

jahāñ the ham vahāñ baiThe hue haiñ

musāhib shaah ke kyoñ aaj dekho

hamāre darmiyāñ baiThe hue haiñ

havā ko ruḳh badalnā thā abhī kyoñ

ki khole bādbāñ baiThe hue haiñ

yahāñ mahfūz 'ismat māl-o-daulat

yahāñ bāda-kashāñ baiThe hue haiñ

muravvat kā yahāñ par dars hogā

yahāñ pīr-e-muġhāñ baiThe hue haiñ

bhaTak kar raah se ham aaj 'shāhid'

yuuñ ho ke rā.egāñ baiThe hue haiñ

yahan hum be-zaban baiThe hue hain

ki hum nok-e-sinan baiThe hue hain

jinhen saunpa gaya farz-e-hifazat

jahan the hum wahan baiThe hue hain

musahib shah ke kyon aaj dekho

hamare darmiyan baiThe hue hain

hawa ko ruKH badalna tha abhi kyon

ki khole baadban baiThe hue hain

yahan mahfuz 'ismat mal-o-daulat

yahan baada-kashan baiThe hue hain

murawwat ka yahan par dars hoga

yahan pir-e-mughan baiThe hue hain

bhaTak kar rah se hum aaj 'shahid'

yun ho ke raegan baiThe hue hain