yahan makinon se Khaali makan rahte hain

yahāñ makīnoñ se ḳhālī makān rahte haiñ

mohabbateñ nahīñ rahtīñ gumān rahte haiñ

ḳhudā kare ki sune tū zabān-e-ḳhāmoshī

tire paḌos meñ kuchh be-zabān rahte haiñ

na kiije takiya buzurgoñ kī Dhaltī chhāñv par

kahāñ saroñ pe sadā sā.ebān rahte haiñ

yahī jahāñ hai hamārā jahān-e-gumshudgī

yahī nishān ki bas be-nishān rahte haiñ

mohabbateñ jis ufuq se tulūa hotī haiñ

vahīñ pe mil ke zamīñ āsmān rahte haiñ

tire sulūk ne dhuñdlā diye sab afsāne

ham apne se bhī bahut bad-gumān rahte haiñ

har ek shaḳhs ko majbūr 'aah' mat jaano

ki shīshe bhī kahīñ ban kar chaTān rahte haiñ

yahan makinon se KHali makan rahte hain

mohabbaten nahin rahtin guman rahte hain

KHuda kare ki sune tu zaban-e-KHamoshi

tere paDos mein kuchh be-zaban rahte hain

na kije takiya buzurgon ki Dhalti chhanw par

kahan saron pe sada saeban rahte hain

yahi jahan hai hamara jahan-e-gumshudgi

yahi nishan ki bas be-nishan rahte hain

mohabbaten jis ufuq se tulua hoti hain

wahin pe mil ke zamin aasman rahte hain

tere suluk ne dhundla diye sab afsane

hum apne se bhi bahut bad-guman rahte hain

har ek shaKHs ko majbur 'ah' mat jaano

ki shishe bhi kahin ban kar chaTan rahte hain