yahan pe DhunDe se bhi farishte nahin milenge

yahāñ pe DhūñDe se bhī farishte nahīñ mileñge

zamīñ hai sāhab yahāñ to ahl-e-zamīñ mileñge

pareshāñ mat ho ki yaar TeḌhī lakīreñ haiñ ham

kahāñ kā to kuchh patā nahīñ par kahīñ mileñge

kuchh aise ġham haiñ jo dil meñ hargiz nahīñ Thaharte

makān hote hue saḌak par makīñ mileñge

zamīñ pe milne na deñge ham ko zamāne vaale

chalo ki marte haiñ donoñ zer-e-zamīñ mileñge

hamāre dil meñ banī huī haiñ hazāroñ qabreñ

har ek turbat meñ dafn zinda yaqīñ mileñge

rakhā gayā hai hameñ kuchh aise muġhālate meñ

vahāñ mileñge jahāñ pe arsh-o-zamīñ mileñge

hameñ to hūreñ mileñgī ham se banā ke rakkho

tumheñ vahāñ par bhī jā ke keval hamīñ mileñge

yahan pe DhunDe se bhi farishte nahin milenge

zamin hai sahab yahan to ahl-e-zamin milenge

pareshan mat ho ki yar TeDhi lakiren hain hum

kahan ka to kuchh pata nahin par kahin milenge

kuchh aise gham hain jo dil mein hargiz nahin Thaharte

makan hote hue saDak par makin milenge

zamin pe milne na denge hum ko zamane wale

chalo ki marte hain donon zer-e-zamin milenge

hamare dil mein bani hui hain hazaron qabren

har ek turbat mein dafn zinda yaqin milenge

rakha gaya hai hamein kuchh aise mughaalate mein

wahan milenge jahan pe arsh-o-zamin milenge

hamein to huren milengi hum se bana ke rakkho

tumhein wahan par bhi ja ke kewal hamin milenge