yahan wahan ki bulandi mein shan thoDi hai
yahāñ vahāñ kī bulandī meñ shaan thoḌī hai
pahāḌ kuchh bhī sahī āsmān thoḌī hai
mire vajūd se kam terī jaan thoḌī hai
fasād tere mire darmiyān thoḌī hai
mile binā koī rut ham se jā nahīñ saktī
hamāre sar pe koī sā.ebān thoḌī hai
ye vāqi.a hai ki dushman se mil ga.e haiñ dost
mirā bayān barā.e bayān thoḌī hai
karam hai mujh pe kisī aur ke jalāne ko
vo shaḳhs mujh pe koī mehrbān thoḌī hai
vo ham-ḳhayāl hai uslūb us kā jo bhī ho
raqīb hī to hai chañgez ḳhaan thoḌī hai
'shuja.a' shā.irī hotī hai zaat ke bal par
mirī kumak pe koī ḳhāndān thoḌī hai
yahan wahan ki bulandi mein shan thoDi hai
pahaD kuchh bhi sahi aasman thoDi hai
mere wajud se kam teri jaan thoDi hai
fasad tere mere darmiyan thoDi hai
mile bina koi rut hum se ja nahin sakti
hamare sar pe koi saeban thoDi hai
ye waqia hai ki dushman se mil gae hain dost
mera bayan barae bayan thoDi hai
karam hai mujh pe kisi aur ke jalane ko
wo shaKHs mujh pe koi mehrban thoDi hai
wo ham-KHayal hai uslub us ka jo bhi ho
raqib hi to hai changez KHan thoDi hai
'shuja' shairi hoti hai zat ke bal par
meri kumak pe koi KHandan thoDi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
