yahi hai daur-e-gham-e-ashiqi to kya hoga
yahī hai daur-e-ġham-e-āshiqī to kyā hogā
isī tarah se kaTī zindagī to kyā hogā
abhī to ham-nafasoñ ko hai vahm-e-chāragarī
huī na dard meñ phir bhī kamī to kyā hogā
ye tīrgī to bahar-e-hāl chhaT hī jā.egī
na raas aa.ī hameñ raushnī to kyā hogā
umiid hai ki kabhī to laboñ pe aa.egī
kabhī na aa.ī laboñ par hañsī to kyā hogā
nafas nafas meñ fuġhāñ hai nazar nazar meñ hirās
kuchh aur din yahī hālat rahī to kyā hogā
yahi hai daur-e-gham-e-ashiqi to kya hoga
isi tarah se kaTi zindagi to kya hoga
abhi to ham-nafason ko hai wahm-e-chaaragari
hui na dard mein phir bhi kami to kya hoga
ye tirgi to bahar-e-haal chhaT hi jaegi
na ras aai hamein raushni to kya hoga
umid hai ki kabhi to labon pe aaegi
kabhi na aai labon par hansi to kya hoga
nafas nafas mein fughan hai nazar nazar mein hiras
kuchh aur din yahi haalat rahi to kya hoga
- Book : Range-e-Gazal (Pg. 299)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
