yahi qusur tha us but ki aarzu ki thi

yahī qusūr thā us but kī aarzū kī thī

milā vahī na kabhī jis kī justujū kī thī

ba-rang-e-ġhuncha zabāñ band hai ab tak merī

vo baat kab kī hai jab gul se guftugū kī thī

girīñ vahīñ pe zamāne kī bijliyāñ āḳhir

jahāñ binā-e-gulistān-e-rang-o-bū kī thī

hameñ miTāne ke darpe huā hai kyoñ āḳhir

zamāne ham ne tirī ham-navā.ī ḳhū kī thī

ġhubār uḌtā hai ham ne jahāñ pe yāroñ meñ

maze uḌaa.e the aur mil ke hā-o-hū kī thī

samajh ke us ko bhī ġham-ḳhvār-o-ham-navā 'rizvāñ'

hadīs-e-dil kisī dilbar ke rū-ba-rū kī thī

yahi qusur tha us but ki aarzu ki thi

mila wahi na kabhi jis ki justuju ki thi

ba-rang-e-ghuncha zaban band hai ab tak meri

wo baat kab ki hai jab gul se guftugu ki thi

girin wahin pe zamane ki bijliyan aaKHir

jahan bina-e-gulistan-e-rang-o-bu ki thi

hamein miTane ke darpe hua hai kyon aaKHir

zamane hum ne teri ham-nawai KHu ki thi

ghubar uDta hai hum ne jahan pe yaron mein

maze uDae the aur mil ke ha-o-hu ki thi

samajh ke us ko bhi gham-KHwar-o-ham-nawa 'rizwan'

hadis-e-dil kisi dilbar ke ru-ba-ru ki thi