yak-ba-yak hogi siyahi is qadar jati rahi

yak-ba-yak hogī siyāhī is qadar jaatī rahī

kyā kaheñ goyā siyāhī yak sar-e-mū bhī na thī

go safedī mū kī yuuñ raushan hai juuñ āb-e-hayāt

lekin apnī to isī zulmāt se thī zindagī

dam-ba-dam bazm-e-surūr o har ghaḌī sair-e-chaman

ishrat-o-aish-o-nashāt o ḳhurmī o tāzgī

ḳhanda-e-shādī se hargiz lab na hote the baham

sāġhar o miinā surūd o raqs o ḳhush-tab.ī hañsī

jaam detā thā udhar saaqī ba-minnat haath joḌ

is taraf kyā kyā lagāvaT dilbaroñ kī thī na.ī

gul-badan karte the kis kis taur iz.hār-e-ishtiyāq

ġhuncha-lab milte the sau sau dil meñ rakh kar be-kalī

koī detā thā mohabbat se gale meñ haath Daal

koī detā thā zabardastī se bosa har ghaḌī

koī detā thā mohabbat se gale meñ haath Daal

koī detā thā zabardastī se bosa har ghaḌī

jis taraf the dekhte aish-o-tarab kā josh thā

mastī o rindī havas-bāzī o be-añdeshgī

aan kar mū kī safedī ne ye kiiñ barbādiyāñ

khol diiñ jitnī bañdhīñ thiiñ vo havā.eñ aish kī

qad meñ ḳham āñkhoñ meñ nam chehre pe jhurrī rañg zard

sar se pā tak saḳht nā-ḳhush manzarī bad-hai.atī

kyā tamāshe inqalāb-e-charḳh ke kahiye 'nazīr'

dam meñ vo raunaq thī aur ek dam meñ ye be-raunaqī

yak-ba-yak hogi siyahi is qadar jati rahi

kya kahen goya siyahi yak sar-e-mu bhi na thi

go safedi mu ki yun raushan hai jun aab-e-hayat

lekin apni to isi zulmat se thi zindagi

dam-ba-dam bazm-e-surur o har ghaDi sair-e-chaman

ishrat-o-aish-o-nashat o KHurmi o tazgi

KHanda-e-shadi se hargiz lab na hote the baham

saghar o mina surud o raqs o KHush-tabi hansi

jam deta tha udhar saqi ba-minnat hath joD

is taraf kya kya lagawaT dilbaron ki thi nai

gul-badan karte the kis kis taur izhaar-e-ishtiyaq

ghuncha-lab milte the sau sau dil mein rakh kar be-kali

koi deta tha mohabbat se gale mein hath Dal

koi deta tha zabardasti se bosa har ghaDi

koi deta tha mohabbat se gale mein hath Dal

koi deta tha zabardasti se bosa har ghaDi

jis taraf the dekhte aish-o-tarab ka josh tha

masti o rindi hawas-bazi o be-andeshgi

aan kar mu ki safedi ne ye kin barbaadiyan

khol din jitni bandhin thin wo hawaen aish ki

qad mein KHam aankhon mein nam chehre pe jhurri rang zard

sar se pa tak saKHt na-KHush manzari bad-haiati

kya tamashe inqalab-e-charKH ke kahiye 'nazir'

dam mein wo raunaq thi aur ek dam mein ye be-raunaqi