yak do jam aur bhi de tu saqi

yak do jaam aur bhī de tū saaqī

na rahe dil meñ aarzū saaqī

merī taskīñ na hogī sāġhar se

muñh se mere lagā subū saaqī

raat o din mai-kashoñ ko rahtī hai

terī hī yaad o justujū saaqī

riñd-e-muflis ko de hai zyaad sharāb

bhaa.ī mujh ko tirī ye ḳhū saaqī

aah tujh bin haiñ zār-o-nālāñ ham

bhūlī mastī kī hāv-hū saaqī

shīsha-e-mai kī tarah se ham aaj

rakhte haiñ girya dar-gulū saaqī

kisī ke aage misl-e-sāġhar ham

laate haiñ dast-e-ārzū saaqī

laate haiñ misl-e-shīsha-e-bāda

tere hī aage sarfarū saaqī

ro nahīñ us ko bazm-e-mastāñ meñ

jis ke ta.iiñ tū na deve rū saaqī

de 'jahāñdār' ko vo mai jis kā

hove gul kā sā rañg-o-bū saaqī

yak do jam aur bhi de tu saqi

na rahe dil mein aarzu saqi

meri taskin na hogi saghar se

munh se mere laga subu saqi

raat o din mai-kashon ko rahti hai

teri hi yaad o justuju saqi

rind-e-muflis ko de hai zyaad sharab

bhai mujh ko teri ye KHu saqi

aah tujh bin hain zar-o-nalan hum

bhuli masti ki haw-hu saqi

shisha-e-mai ki tarah se hum aaj

rakhte hain girya dar-gulu saqi

kisi ke aage misl-e-saghar hum

late hain dast-e-arzu saqi

late hain misl-e-shisha-e-baada

tere hi aage sarfaru saqi

ro nahin us ko bazm-e-mastan mein

jis ke tain tu na dewe ru saqi

de 'jahandar' ko wo mai jis ka

howe gul ka sa rang-o-bu saqi