yaqin-e-subh-e-chaman hai kitna shuur-e-abr-e-bahaar kya hai

yaqīn-e-sub.h-e-chaman hai kitnā shu.ūr-e-abr-e-bahār kyā hai

savāl karte haiñ dasht-o-dariyā ki qāfile kā vaqār kyā hai

jo chal paḌe jāda-e-vafā par unheñ ġham-e-rozgār kyā hai

sa.ūbatoñ ke pahāḌ kyā haiñ tamāzatoñ kā ġhubār kyā hai

yahīñ pe manzil kareñge raahī yahīñ pe sab qāfile rukeñge

Thahar zarā shauq-e-sabr dushman ye dard be-iḳhtiyār kyā hai

nasīb-e-fardā pe shādmāñ haiñ junūñ ke māroñ se koī pūchhe

ye kyuuñ girebāñ hai TukḌe TukḌe ye dāman-e-tār taar kyā hai

na un kā jaada na koī manzil na nūr-o-zulmat kā farq jāneñ

unheñ ḳhabar kyā ki hai sahar kyā añdherī shab kā ḳhumār kyā hai

yaqin-e-subh-e-chaman hai kitna shuur-e-abr-e-bahaar kya hai

sawal karte hain dasht-o-dariya ki qafile ka waqar kya hai

jo chal paDe jada-e-wafa par unhen gham-e-rozgar kya hai

saubaton ke pahaD kya hain tamazaton ka ghubar kya hai

yahin pe manzil karenge rahi yahin pe sab qafile rukenge

Thahar zara shauq-e-sabr dushman ye dard be-iKHtiyar kya hai

nasib-e-farda pe shadman hain junun ke maron se koi puchhe

ye kyun gireban hai TukDe TukDe ye daman-e-tar tar kya hai

na un ka jada na koi manzil na nur-o-zulmat ka farq jaanen

unhen KHabar kya ki hai sahar kya andheri shab ka KHumar kya hai