aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

yaqin hai ki guman hai mujhe nahin malum

Abrar Ahmad

yaqin hai ki guman hai mujhe nahin malum

Abrar Ahmad

MORE BYAbrar Ahmad

    yaqīn hai ki gumāñ hai mujhe nahīñ mālūm

    ye aag hai ki dhuāñ hai mujhe nahīñ mālūm

    ye har taraf hai koī mahfil-e-tarab barpā

    ki bazm-e-ġham-e-zadagāñ hai mujhe nahīñ mālūm

    liye to phirtā huuñ ik mausam-e-vajūd ko maiñ

    bahār hai ki ḳhizāñ hai mujhe nahīñ mālūm

    vo rañg-e-gul to usī ḳhaak meñ ghulā thā kahīñ

    magar mahak vo kahāñ hai mujhe nahīñ mālūm

    ḳhabar to hai ki yahīñ qarya-e-malāl bhī hai

    ye kaun mahv-e-fuġhāñ hai mujhe nahīñ mālūm

    maiñ tujh se duur usī dasht-e-nā-rasī meñ huuñ gum

    idhar nauha-kunāñ hai mujhe nahīñ mālūm

    ye dāġh-e-ishq jo miTtā bhī hai chamaktā bhī hai

    ye zaḳhm hai ki nishāñ hai mujhe nahīñ mālūm

    guzartā jaatā huuñ ik arsa-e-gurez se maiñ

    ye lā-makāñ ki makāñ hai mujhe nahīñ mālūm

    ravāñ-davāñ to hai ye ju-e-zindagī har dam

    magar kidhar ko ravāñ hai mujhe nahīñ mālūm

    ye kashmakash jo man-o-tū ke darmiyāñ hai so hai

    miyān-e-sūd-o-ziyāñ hai mujhe nahīñ mālūm

    ye kū-e-ḳhāk hai phir dayār-e-ḳhvāb koī

    zamīn hai ki zamāñ hai mujhe nahīñ mālūm

    yahīñ kahīñ pe vo ḳhush-rū thā aaj se pahle

    magar vo aaj kahāñ hai mujhe nahīñ mālūm

    yaqin hai ki guman hai mujhe nahin malum

    ye aag hai ki dhuan hai mujhe nahin malum

    ye har taraf hai koi mahfil-e-tarab barpa

    ki bazm-e-gham-e-zadagan hai mujhe nahin malum

    liye to phirta hun ek mausam-e-wajud ko main

    bahaar hai ki KHizan hai mujhe nahin malum

    wo rang-e-gul to usi KHak mein ghula tha kahin

    magar mahak wo kahan hai mujhe nahin malum

    KHabar to hai ki yahin qarya-e-malal bhi hai

    ye kaun mahw-e-fughan hai mujhe nahin malum

    main tujh se dur usi dasht-e-na-rasi mein hun gum

    idhar tu nauha-kunan hai mujhe nahin malum

    ye dagh-e-ishq jo miTta bhi hai chamakta bhi hai

    ye zaKHm hai ki nishan hai mujhe nahin malum

    guzarta jata hun ek arsa-e-gurez se main

    ye la-makan ki makan hai mujhe nahin malum

    rawan-dawan to hai ye ju-e-zindagi har dam

    magar kidhar ko rawan hai mujhe nahin malum

    ye kashmakash jo man-o-tu ke darmiyan hai so hai

    miyan-e-sud-o-ziyan hai mujhe nahin malum

    ye ku-e-KHak hai ya phir dayar-e-KHwab koi

    zamin hai ki zaman hai mujhe nahin malum

    yahin kahin pe wo KHush-ru tha aaj se pahle

    magar wo aaj kahan hai mujhe nahin malum

    RECITATIONS

    Nomaan Shauque

    Nomaan Shauque,

    Nomaan Shauque

    yaqin hai ki guman hai mujhe nahin malum Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now