yaqin jata raha eatibar KHatm hua

yaqīn jaatā rahā e.atibār ḳhatm huā

tumhāre ishq kā saarā ḳhumār ḳhatm huā

kahāñ se lā.ūñ vo hangāma-hā-e-ishq-o-junūñ

vo sho.ala-āsā dil-e-be-qarār ḳhatm huā

nikal rahā huuñ tire halqa-e-mohabbat se

ki gard baiTh chukī aur ġhubār ḳhatm huā

jahāñ bahāreñ thiiñ apnoñ kī chahchahāhaT thī

vo be-charāġh paḌā sabza-zār ḳhatm huā

lagā ke aag ka.ī mehrbān chalte bane

hamāre shahr kā sab kārobār ḳhatm huā

ḳhizāñ kā daur hai shāḳhoñ pe barg-o-bār nahīñ

tumhāre jaate hī ahd-e-bahār ḳhatm huā

yaqin jata raha eatibar KHatm hua

tumhaare ishq ka sara KHumar KHatm hua

kahan se laun wo hangama-ha-e-ishq-o-junun

wo shoala-asa dil-e-be-qarar KHatm hua

nikal raha hun tere halqa-e-mohabbat se

ki gard baiTh chuki aur ghubar KHatm hua

jahan bahaaren thin apnon ki chahchahahaT thi

wo be-charagh paDa sabza-zar KHatm hua

laga ke aag kai mehrban chalte bane

hamare shahr ka sab karobar KHatm hua

KHizan ka daur hai shaKHon pe barg-o-bar nahin

tumhaare jate hi ahd-e-bahaar KHatm hua