yaqin ka rang bhi hai wahm ka ghubar bhi hai

yaqīñ kā rang bhī hai vahm kā ġhubār bhī hai

fareb-e-husn-e-nazar dasht-e-e.atibār bhī hai

ḳhizāñ kā rang bhī hai mo'atabar chaman ke liye

ye husn-e-gul hai jo minnat-kash-e-bahār bhī hai

asīr-e-vahm-o-gumāñ hai na jaane kab se nigāh

agarche pesh-e-nazar harf-e-e'tibār bhī hai

ye maiñ ne maanā sukūñ maut kī alāmat hai

magar sukūñ ke liye dil hī be-qarār bhī hai

rukī rukī sī agarche hai kā.enāt kī nabz

bikharte TūTte lamhoñ kā intishār bhī hai

ajiib turfa-tamāsha hai is ko kyā kahiye

ki dil-figār bhī 'manzar' vafā-shi.ār bhī hai

yaqin ka rang bhi hai wahm ka ghubar bhi hai

fareb-e-husn-e-nazar dasht-e-eatibar bhi hai

KHizan ka rang bhi hai mo'atabar chaman ke liye

ye husn-e-gul hai jo minnat-kash-e-bahaar bhi hai

asir-e-wahm-o-guman hai na jaane kab se nigah

agarche pesh-e-nazar harf-e-e'tibar bhi hai

ye main ne mana sukun maut ki alamat hai

magar sukun ke liye dil hi be-qarar bhi hai

ruki ruki si agarche hai kaenat ki nabz

bikharte TuTte lamhon ka intishaar bhi hai

ajib turfa-tamasha hai is ko kya kahiye

ki dil-figar bhi 'manzar' wafa-shiar bhi hai