yaqin ki dhup mein saya bhi kuchh guman ka hai
yaqīñ kī dhuup meñ saaya bhī kuchh gumān kā hai
yahī to vaqt musāfir ke imtihān kā hai
palaT rahā hai zamāna sadā-e-haq kī taraf
jahān-e-fikr meñ charchā mirī azaan kā hai
usī ke ḳhauf se larzāñ hai dushmanoñ kā hujūm
vo ek tiir jo TuuTī huī kamān kā hai
yahī kahīñ pe vafāoñ kī qabr-gāh bhī thī
yahī kahīñ se to rasta tire makān kā hai
ik ek harf kī rakhnī hai aabrū mujh ko
savāl dil kā nahīñ hai mirī zabān kā hai
jo ek chhoTā sā dil hai 'salīm' siine meñ
vo āftāb mohabbat ke āsmān kā hai
yaqin ki dhup mein saya bhi kuchh guman ka hai
yahi to waqt musafir ke imtihan ka hai
palaT raha hai zamana sada-e-haq ki taraf
jahan-e-fikr mein charcha meri azan ka hai
usi ke KHauf se larzan hai dushmanon ka hujum
wo ek tir jo TuTi hui kaman ka hai
yahi kahin pe wafaon ki qabr-gah bhi thi
yahi kahin se to rasta tere makan ka hai
ek ek harf ki rakhni hai aabru mujh ko
sawal dil ka nahin hai meri zaban ka hai
jo ek chhoTa sa dil hai 'salim' sine mein
wo aaftab mohabbat ke aasman ka hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
