yaqin ko dar se hasil kiya hai

yaqīñ ko daar se hāsil kiyā hai

aqīda pyaar se hāsil kiyā hai

tire iqrār par shak thā tabhī to

tujhe inkār se hāsil kiyā hai

use talvār hī jiine na degī

jise talvār se hāsil kiyā hai

ilāj-e-zindagī is baar ham ne

kisī bīmār se hāsil kiyā hai

chukānī hogī qīmat us kī 'nāzim'

jise bāzār se hāsil kiyā hai

yaqin ko dar se hasil kiya hai

aqida pyar se hasil kiya hai

tere iqrar par shak tha tabhi to

tujhe inkar se hasil kiya hai

use talwar hi jine na degi

jise talwar se hasil kiya hai

ilaj-e-zindagi is bar hum ne

kisi bimar se hasil kiya hai

chukani hogi qimat us ki 'nazim'

jise bazar se hasil kiya hai