yaqinan koi gahra rabta hai

yaqīnan koī gahrā rābta hai

vo jo muḌ muḌ ke mujh ko dekhtā hai

nikal kar jā nahīñ saktā kahīñ bhī

rag-o-pai meñ vo merī ghūmtā hai

hai kaun apnā parāyā is jahāñ meñ

parakhne se ye andāza huā hai

havā se ḳhushk patte naġhma-zan the

tirī aahaT kā dhokā ho gayā hai

muqaddar kā ham apne khā rahe haiñ

kisī kā rizq kab chhīnā huā hai

mujhe murda na samjho ġhāfilo tum

ragoñ meñ ḳhuun merī dauḌtā hai

batātā hai mirā rahbar usī ko

jo rasta ḳhud mirā dekhā huā hai

kiyā hābīl ne qābīl kā ḳhuuñ

yahī duniyā meñ pahlā sāneha hai

miTātā hai vo merā naam likh kar

ki jaise uñgliyoñ se kheltā hai

mujhe mujrim kahā hai 'yās' us ne

batā.e vo ki aisā kyā kiyā hai

yaqinan koi gahra rabta hai

wo jo muD muD ke mujh ko dekhta hai

nikal kar ja nahin sakta kahin bhi

rag-o-pai mein wo meri ghumta hai

hai kaun apna paraya is jahan mein

parakhne se ye andaza hua hai

hawa se KHushk patte naghma-zan the

teri aahaT ka dhoka ho gaya hai

muqaddar ka hum apne kha rahe hain

kisi ka rizq kab chhina hua hai

mujhe murda na samjho ghafilo tum

ragon mein KHun meri dauDta hai

batata hai mera rahbar usi ko

jo rasta KHud mera dekha hua hai

kiya habil ne qabil ka KHun

yahi duniya mein pahla saneha hai

miTata hai wo mera nam likh kar

ki jaise ungliyon se khelta hai

mujhe mujrim kaha hai 'yas' us ne

batae wo ki aisa kya kiya hai