یقیناً راستہ حق پر نہی ہے

یقیناً راستہ حق پر نہی ہے

کوئی پتھر کوئی ٹھوکر نہی ہے

محبت کا سفر بہتر نہی ہے

اگر عاشق چلا دن بھر نہی ہے

تعلق ٹوٹ جانے کا ہے خطرہ

مگر دیوار میں اک در نہی ہے

کسے روداد اپنی ہم سنائیں

کسی کا حال اب بہتر نہی ہے

محبت نے اسے پرواز دی ہے

ہماری شاعری بے پر نہی ہے

کہاں رکھوں شکستہ دل کے ٹکڑے

بریلی میں عجائب گھر نہی ہے

سبھی دشمن بھلے ہیں دوستوں سے

کسی کے ہاتھ میں نشتر نہی ہے

سڑک پر آ گئے ہیں سارے عاشق

نگر میں بادشاہ اکبر نہی ہے