یقیناً تجھ سے مل آتے جو کرونا نہیں آتا

یقیناً تجھ سے مل آتے جو کرونا نہیں آتا

تری زلفوں کو سلجھاتے جو کرونا نہیں آتا

مہینوں ہو گئے دیدار تیرا کر نہیں پائے

نہ ہرگز دل کو تڑپاتے جو کرونا نہیں آتا

خوشی ہر دل پہ چھا جاتی اداسی دور ہو جاتی

تری محفل کو گرماتے جو کرونا نہیں آتا

جدا اک پل نہیں ہوتے تجھے ٹک دیکھتے رہتے

محبت تجھ پہ برساتے جو کرونا نہیں آتا

مرے محبوب چھت پر چاند کے سائے میں ہم دونوں

دل مضطر کو بہلاتے جو کرونا نہیں آتا

کسی سے حال دل کہتے کسی کا حال دل سنتے

نہ تنہائی میں گھبراتے جو کرونا نہیں آتا