yaqinan tujhse mil aate jo corona nahin aata

yaqīnan tujh se mil aate jo corona nahīñ aatā

tirī zulfoñ ko suljhāte jo corona nahīñ aatā

mahīnoñ ho ga.e dīdār terā kar nahīñ paa.e

na hargiz dil ko taḌpāte jo corona nahīñ aatā

ḳhushī har dil pe chhā jaatī udāsī duur ho jaatī

tirī mahfil ko garmāte jo corona nahīñ aatā

judā ik pal nahīñ hote tujhe Tuk dekhte rahte

mohabbat tujh pe barsāte jo corona nahīñ aatā

mire mahbūb chhat par chāñd ke saa.e meñ ham donoñ

dil-e-muztar ko bahlāte jo corona nahīñ aatā

kisī se hāl-e-dil kahte kisī kā hāl-e-dil sunte

na tanhā.ī meñ ghabrāte jo corona nahīñ aatā

yaqinan tujh se mil aate jo corona nahin aata

teri zulfon ko suljhate jo corona nahin aata

mahinon ho gae didar tera kar nahin pae

na hargiz dil ko taDpate jo corona nahin aata

KHushi har dil pe chha jati udasi dur ho jati

teri mahfil ko garmate jo corona nahin aata

juda ek pal nahin hote tujhe Tuk dekhte rahte

mohabbat tujh pe barsate jo corona nahin aata

mere mahbub chhat par chand ke sae mein hum donon

dil-e-muztar ko bahlate jo corona nahin aata

kisi se haal-e-dil kahte kisi ka haal-e-dil sunte

na tanhai mein ghabraate jo corona nahin aata