ye aane wala zamana hamein bataega

ye aane vaalā zamāna hameñ batā.egā

vo ghar bānegā apnā ki ghar basā.egā

maiñ saare shahr meñ badnām huuñ ḳhabar hai mujhe

vo mere naam se kyā fā.eda uThā.egā

phir us ke ba.ad ujāle ḳharīdne hoñge

zarā sī der meñ sūraj to Duub jā.egā

hai sair-gāh ye kachchī muñDer sāñpoñ kī

yahāñ se kaise koī rāsta bānegā

sunā.ī detī nahīñ ghar ke shor meñ dastak

maiñ jāntā huuñ jo aa.egā lauT jā.egā

maiñ soch bhī nahīñ saktā thā un uḌānoñ meñ

vo apne gaañv kī miTTī ko bhuul jā.egā

hazāroñ rog to paale hue ho tum 'nazmī'

bachāne vaalā kahāñ tak tumheñ bachā.egā

ye aane wala zamana hamein bataega

wo ghar banega apna ki ghar basaega

main sare shahr mein badnam hun KHabar hai mujhe

wo mere nam se kya faeda uThaega

phir us ke baad ujale KHaridne honge

zara si der mein suraj to Dub jaega

hai sair-gah ye kachchi munDer sanpon ki

yahan se kaise koi rasta banega

sunai deti nahin ghar ke shor mein dastak

main jaanta hun jo aaega lauT jaega

main soch bhi nahin sakta tha un uDanon mein

wo apne ganw ki miTTi ko bhul jaega

hazaron rog to pale hue ho tum 'nazmi'

bachane wala kahan tak tumhein bachaega