ye aankhen hain to sar kaTa kar rahengi
ye aankhen hain to sar kaTa kar rahengi
Mushafi Ghulam Hamdani
MORE BYMushafi Ghulam Hamdani
ye āñkheñ haiñ to sar kaTā kar raheñgī
kisū se hameñ yaañ laḌā kar raheñgī
agar ye nigāheñ haiñ kam-baḳht apnī
to kuchh ham ko tohmat lagā kar raheñgī
ye saffākiyāñ haiñ to juuñ murġh-e-bismil
hameñ ḳhaak o ḳhuuñ meñ milā kar raheñgī
kiyā ham ne ma.alūm nazroñ se terī
ki nazreñ tarī ham ko khā kar raheñgī
ye aa.eñ haiñ to ek din āsmāñ ko
jalā kar khapā kar uḌā kar raheñgī
agar gardisheñ āsmāñ kī yahī haiñ
to ham ko bhī gardish meñ lā kar raheñgī
ye āñkheñ haiñ to ek din 'mus.hafī' ko
nigāhoñ ke andar fanā kar raheñgī
ye aankhen hain to sar kaTa kar rahengi
kisu se hamein yan laDa kar rahengi
agar ye nigahen hain kam-baKHt apni
to kuchh hum ko tohmat laga kar rahengi
ye saffakiyan hain to jun murgh-e-bismil
hamein KHak o KHun mein mila kar rahengi
kiya hum ne malum nazron se teri
ki nazren tari hum ko kha kar rahengi
ye aaen hain to ek din aasman ko
jala kar khapa kar uDa kar rahengi
agar gardishen aasman ki yahi hain
to hum ko bhi gardish mein la kar rahengi
ye aankhen hain to ek din 'mushafi' ko
nigahon ke andar fana kar rahengi
- Book : kulliyat-e-mas.hafii(awwa) (Pg. 359)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
