ye aansu kis liye rukta nahin hai
ye aañsū kis liye ruktā nahīñ hai
samundar to kahīñ pyāsā nahīñ hai
kahīñ pathrā na jaa.eñ us kī āñkheñ
bichhaḌ kar mujh se vo royā nahīñ hai
qayāmat dil pe na guzre to kahnā
tumhārā dil abhī TuuTā nahīñ hai
salāmat haiñ sabhī kamroñ ke shīshe
koī patthar abhī aayā nahīñ hai
nikal jaao kahīñ tum ai parindo
havā ne rāsta rokā nahīñ hai
kināra huuñ maiñ ik sūkhī nadī kā
koī dariyā mujhe samjhā nahīñ hai
adab se is liye hai duur 'rāhī'
buzurgoñ meñ abhī baiThā nahīñ hai
ye aansu kis liye rukta nahin hai
samundar to kahin pyasa nahin hai
kahin pathra na jaen us ki aankhen
bichhaD kar mujh se wo roya nahin hai
qayamat dil pe na guzre to kahna
tumhaara dil abhi TuTa nahin hai
salamat hain sabhi kamron ke shishe
koi patthar abhi aaya nahin hai
nikal jao kahin tum ai parindo
hawa ne rasta roka nahin hai
kinara hun main ek sukhi nadi ka
koi dariya mujhe samjha nahin hai
adab se is liye hai dur 'rahi'
buzurgon mein abhi baiTha nahin hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
