ye ab khula ki koi bhi manzar mera na tha
ye ab khulā ki koī bhī manzar mirā na thā
maiñ jis meñ rah rahā thā vahī ghar mirā na thā
maiñ jis ko ek umr sambhāle phirā kiyā
miTTī batā rahī hai vo paikar mirā na thā
mauj-e-havā-e-shahr-e-muqaddar javāb de
dariyā mire na the ki samundar mirā na thā
phir bhī to sañgsār kiyā jā rahā huuñ maiñ
kahte haiñ naam tak sar-e-mahzar mirā na thā
sab log apne apne qabīloñ ke saath the
ik maiñ hī thā ki koī bhī lashkar mirā na thā
ye ab khula ki koi bhi manzar mera na tha
main jis mein rah raha tha wahi ghar mera na tha
main jis ko ek umr sambhaale phira kiya
miTTi bata rahi hai wo paikar mera na tha
mauj-e-hawa-e-shahr-e-muqaddar jawab de
dariya mere na the ki samundar mera na tha
phir bhi to sangsar kiya ja raha hun main
kahte hain nam tak sar-e-mahzar mera na tha
sab log apne apne qabilon ke sath the
ek main hi tha ki koi bhi lashkar mera na tha
- Book : Mahr-e-Do Neem (Pg. 170)
- Author : iftikhaar aarif
- Publication : Educational Publishing House (1999)
- Edition : 1999
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
