ye ada-e-guftugu achchhi nahin

ye adā-e-guftugū achchhī nahīñ

us se itnī dū-ba-dū achchhī nahīñ

har ghaḌī merī burā.ī lab pe hai

husn vāloñ kī ye ḳhū achchhī nahīñ

mere afsāne ke unvāñ kī tarah

ye hadīs-e-rañg-o-bū achchhī nahīñ

ranj-o-ġham andoh-e-hasrat ke tufail

koī dil kī aarzū achchhī nahīñ

tū ulajhtā hai zamāne se abas

ye bhī ḳhū-e-nukta-jū achchhī nahīñ

gardish-e-ayyām to Tal jā.egī

gardish-e-jām-o-subū achchhī nahīñ

rāt-din rahte haiñ vo mahv-e-suḳhan

hazrat-e-'rahbar' kī ḳhū achchhī nahīñ

ye ada-e-guftugu achchhi nahin

us se itni du-ba-du achchhi nahin

har ghaDi meri burai lab pe hai

husn walon ki ye KHu achchhi nahin

mere afsane ke unwan ki tarah

ye hadis-e-rang-o-bu achchhi nahin

ranj-o-gham andoh-e-hasrat ke tufail

koi dil ki aarzu achchhi nahin

tu ulajhta hai zamane se abas

ye bhi KHu-e-nukta-ju achchhi nahin

gardish-e-ayyam to Tal jaegi

gardish-e-jam-o-subu achchhi nahin

raat-din rahte hain wo mahw-e-suKHan

hazrat-e-'rahbar' ki KHu achchhi nahin