یہ ایسا ہوتا ہے آتش فشان سے پہلے

یہ ایسا ہوتا ہے آتش فشان سے پہلے

درک رہی ہیں زمینیں چٹان سے پہلے

نئی رتوں سے جواں حوصلے ہی غائب ہیں

پرندے ٹوٹ رہے ہیں اڑان سے پہلے

پھر اس کے بعد مرے غم کو نیند آئے گی

ستارے ٹوٹیں گے کچھ آسمان سے پہلے

یہ شین و قاف تو از خود ہی ٹھیک ہو جائیں

بناؤ رابطہ اردو زبان سے پہلے

یہ بچپنا بھی جوانی بھی اور بڑھاپا بھی

کئی پڑاؤ ملیں گے مکان سے پہلے

نشان دل تو ہے بیتاب زخم کھانے کو

نظر کا تیر تو نکلے کمان سے پہلے

ہمیں ملا ہے یہ اجداد سے وراثت میں

ہم اپنی آن بچاتے ہیں جان سے پہلے