ye alag baat ki taklif baDha deta hai

ye alag baat ki taklīf baḌhā detā hai

aa.ina mujh ko magar mujh se milā detā hai

ik taraf aañkh ki nīñdoñ ke liye pāgal hai

ik taraf ḳhvāb jo nīñdoñ ko uḌā detā hai

ishq ne phir se pukārā to khulā hai ham par

hijr āvāz badal kar bhī sadā detā hai

mujh ko sailāb se bachne kī duā de kar vo

āñsuoñ ko mirī taqdīr banā detā hai

kaun paanī meñ Dubo detā hai jaltā sūraj

kaun is paanī meñ mahtāb sajā detā hai

sunnat-e-'qais' kā pāband huuñ varna yaaro

ik nayā ishq mujhe roz sadā detā hai

ye alag baat ki taklif baDha deta hai

aaina mujh ko magar mujh se mila deta hai

ek taraf aankh ki nindon ke liye pagal hai

ek taraf KHwab jo nindon ko uDa deta hai

ishq ne phir se pukara to khula hai hum par

hijr aawaz badal kar bhi sada deta hai

mujh ko sailab se bachne ki dua de kar wo

aansuon ko meri taqdir bana deta hai

kaun pani mein Dubo deta hai jalta suraj

kaun is pani mein mahtab saja deta hai

sunnat-e-'qais' ka paband hun warna yaro

ek naya ishq mujhe roz sada deta hai