ye apna wasf-e-derina ki ayyari nahin karte

ye apnā vasf-e-derīna ki ayyārī nahīñ karte

vatan se ham kisī qīmat pe ġhaddārī nahīñ karte

giraftār-e-balā rahte haiñ lekin shukr hai yaaro

kisī taur apnī ham nīlām ḳhuddārī nahīñ karte

abhī ḳhanjar liye rahtā hai galiyāroñ meñ har koī

uḌegā sar tumhārā bhī ki hushyārī nahīñ karte

gile is ke alāva kuchh na hoñge pūchh kar dekho

ham un ke dar pe sub.h-o-shām darbārī nahīñ karte

hamārī be-gunāhī ho ga.ī shāmil gunāhoñ meñ

to munsif kis liye hukm-e-sazā jaarī nahīñ karte

vo jin ke ḳhāna-e-dil meñ hai qindil-e-anā raushan

ġhalat rasm-o-rivāyat kī taraf-dārī nahīñ karte

ḳhudā ke nek bandoñ kī hai ye pahchān ai 'anjum'

vo apne kyā parā.e kī dil-āzārī nahīñ karte

ye apna wasf-e-derina ki ayyari nahin karte

watan se hum kisi qimat pe ghaddari nahin karte

giraftar-e-bala rahte hain lekin shukr hai yaro

kisi taur apni hum nilam KHuddari nahin karte

abhi KHanjar liye rahta hai galiyaron mein har koi

uDega sar tumhaara bhi ki hushyari nahin karte

gile is ke alawa kuchh na honge puchh kar dekho

hum un ke dar pe subh-o-sham darbari nahin karte

hamari be-gunahi ho gai shamil gunahon mein

to munsif kis liye hukm-e-saza jari nahin karte

wo jin ke KHana-e-dil mein hai qindil-e-ana raushan

ghalat rasm-o-riwayat ki taraf-dari nahin karte

KHuda ke nek bandon ki hai ye pahchan ai 'anjum'

wo apne kya parae ki dil-azari nahin karte