ye ashk yun meri aankhon se kam nikalta hai

ye ashk yuuñ mirī āñkhoñ se kam nikaltā hai

ġhazal ke rang meñ rātoñ meñ ġham nikaltā hai

nahīñ ki chashm-e-ġhazal ko bhigo.e jaa.eñ ham

ki dil hī ro.e to phir sher nam nikaltā hai

navāztā hai vo kāġhaz ko naġhmagī kī ridā

vafā kā zikr jo karne qalam nikaltā hai

sitam-tarāz tarāshe sitam to kyā ġham hai

ki ab sitam bhī ba-tarz-e-karam nikaltā hai

vo aur vaqt thā jab un se ras Tapaktā thā

ki ab gulāb laboñ se bhī sam nikaltā hai

batāo shahr meñ ḳhud sā kahāñ talāsh karūñ

jise bhī dekho vahī mohtaram nikaltā hai

baḌhā.ī jaatī haiñ is tarah dhaḌkaneñ dil kī

mire huzūr hī zulfoñ meñ ḳham nikaltā hai

ye kaun chāñd sā utrā hai ḳhāna-e-dil meñ

ki jis ko dekh añdheroñ kā dam nikaltā hai

ḳhushī manāo ai ahl-e-ḳhirad ki ab to junūñ

tumhāre shahr se sū-e-adam nikaltā hai

ye ashk yun meri aankhon se kam nikalta hai

ghazal ke rang mein raaton mein gham nikalta hai

nahin ki chashm-e-ghazal ko bhigoe jaen hum

ki dil hi roe to phir sher nam nikalta hai

nawazta hai wo kaghaz ko naghmagi ki rida

wafa ka zikr jo karne qalam nikalta hai

sitam-taraaz tarashe sitam to kya gham hai

ki ab sitam bhi ba-tarz-e-karam nikalta hai

wo aur waqt tha jab un se ras Tapakta tha

ki ab gulab labon se bhi sam nikalta hai

batao shahr mein KHud sa kahan talash karun

jise bhi dekho wahi mohtaram nikalta hai

baDhai jati hain is tarah dhaDkanen dil ki

mere huzur hi zulfon mein KHam nikalta hai

ye kaun chand sa utra hai KHana-e-dil mein

ki jis ko dekh andheron ka dam nikalta hai

KHushi manao ai ahl-e-KHirad ki ab to junun

tumhaare shahr se su-e-adam nikalta hai