ye aur baat ki aage hawa ke rakkhe hain
ye aur baat ki aage havā ke rakkhe haiñ
charāġh rakkhe haiñ jitne jalā ke rakkhe haiñ
nazar uThā ke unheñ ek baar dekh to lo
sitāre palkoñ pe ham ne sajā ke rakkhe haiñ
kareñge aaj kī shab kyā ye sochnā hogā
tamām kaam to kal par uThā ke rakkhe haiñ
kisī bhī shaḳhs ko ab ek naam yaad nahīñ
vo naam sab ne jo mil kar ḳhudā ke rakkhe haiñ
unheñ fasāne kaho dil kī dāstāneñ kaho
ye aa.ine haiñ jo kab se sajā ke rakkhe haiñ
ḳhulūs dard mohabbat vafā ravādārī
ye naam ham ne kisī āshnā ke rakkhe haiñ
tumhāre dar ke savālī baneñ to kaise baneñ
tumhāre dar pe to kāñTe anā ke rakkhe haiñ
ye aur baat ki aage hawa ke rakkhe hain
charagh rakkhe hain jitne jala ke rakkhe hain
nazar uTha ke unhen ek bar dekh to lo
sitare palkon pe hum ne saja ke rakkhe hain
karenge aaj ki shab kya ye sochna hoga
tamam kaam to kal par uTha ke rakkhe hain
kisi bhi shaKHs ko ab ek nam yaad nahin
wo nam sab ne jo mil kar KHuda ke rakkhe hain
unhen fasane kaho dil ki dastanen kaho
ye aaine hain jo kab se saja ke rakkhe hain
KHulus dard mohabbat wafa rawadari
ye nam hum ne kisi aashna ke rakkhe hain
tumhaare dar ke sawali banen to kaise banen
tumhaare dar pe to kanTe ana ke rakkhe hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
