ye aur baat ki sohbat mein hain aminon ki

ye aur baat kī sohbat meñ haiñ amīnoñ kī

magar vo aabrū rakhte nahīñ hasīnoñ kī

hamāre sīnoñ meñ mahfūz hai ḳhudā kā kalām

koī lagā.e na qīmat hamāre sīnoñ kī

nikal paḌe haiñ jo ab nā-ḳhudā ko chhoḌe hue

ḳhabar to le koī un Dūbte safīnoñ kī

jahāñ pe sirf mohabbat parast rahte haiñ

vahāñ pe koī bhī qīmat nahīñ zamīnoñ kī

zarā sī baat bigaḌtī hai ruuTh jaatī haiñ

ḳharāb lagtī hai 'ādat ye mah-jabīnoñ kī

ḳhudā ke ḳhauf se haT kar kahīñ jo aur baheñ

nahīñ hai qadr un ashkoñ ke ābgīnoñ kī

hamārā naam bhī aa.egā us meñ ai 'minhāj'

kabhī banegī jo fehrist nām-chīnoñ kī

ye aur baat ki sohbat mein hain aminon ki

magar wo aabru rakhte nahin hasinon ki

hamare sinon mein mahfuz hai KHuda ka kalam

koi lagae na qimat hamare sinon ki

nikal paDe hain jo ab na-KHuda ko chhoDe hue

KHabar to le koi un Dubte safinon ki

jahan pe sirf mohabbat parast rahte hain

wahan pe koi bhi qimat nahin zaminon ki

zara si baat bigaDti hai ruTh jati hain

KHarab lagti hai 'adat ye mah-jabinon ki

KHuda ke KHauf se haT kar kahin jo aur bahen

nahin hai qadr un ashkon ke aabginon ki

hamara nam bhi aaega us mein ai 'minhaj'

kabhi banegi jo fehrist nam-chinon ki