ye bagh zinda rahe ye bahaar zinda rahe

ye baaġh zinda rahe ye bahār zinda rahe

maiñ mar bhī jā.ūñ to kyā merā yaar zinda rahe

qadīm rāste rū-posh hote jaate haiñ

so terā kūcha tirī rahguzār zinda rahe

hamesha saaz bajātī rahe yuuñ hī tirī zulf

aur us ke saaz kā ek ek taar zinda rahe

ye ḳhaak zinda unhī āñsuoñ ke dam se hai

har ek dīda-e-āñsū-shi.ār zinda rahe

farār ruuh huī saarā naqd-e-jāñ le kar

ham apne jism se le kar udhār zinda rahe

maiñ tere ghar yuuñ hī be-qaid aatā jaatā rahūñ

tirī nazar meñ mirā e.atibār zinda rahe

hazār shukriya 'ehsās-jī' un āñkhoñ kā

ham un ke tiir kā ho kar shikār zinda rahe

ye bagh zinda rahe ye bahaar zinda rahe

main mar bhi jaun to kya mera yar zinda rahe

qadim raste ru-posh hote jate hain

so tera kucha teri rahguzar zinda rahe

hamesha saz bajati rahe yun hi teri zulf

aur us ke saz ka ek ek tar zinda rahe

ye KHak zinda unhi aansuon ke dam se hai

har ek dida-e-ansu-shiar zinda rahe

farar ruh hui sara naqd-e-jaan le kar

hum apne jism se le kar udhaar zinda rahe

main tere ghar yun hi be-qaid aata jata rahun

teri nazar mein mera eatibar zinda rahe

hazar shukriya 'ehsas-ji' un aankhon ka

hum un ke tir ka ho kar shikar zinda rahe