ye baam nahin the ye dar aise to nahin the

ye baam nahīñ the ye dar aise to nahīñ the

jab ham the to shām-o-sahar aise to nahīñ the

ye kyā ki ḳhafā ho to uThā lete ho ḳhanjar

tum shoḳh bahut the magar aise to nahīñ the

le jā ke use biich samundar meñ uḌāte

majbūr parinde ke par aise to nahīñ the

dekho to nazar talḳh jo chakkho to zabāñ talḳh

phuul aise nahīñ the samar aise to nahīñ the

jis peḌ pe rahte ho usī peḌ ko kaaTo

kyā ho gayā tum be-hunar aise to nahīñ the

sūraj kī jagah sham' samundar kī jagah nahr

the ḳhuub muqaddar magar aise to nahīñ the

ye baam nahin the ye dar aise to nahin the

jab hum the to sham-o-sahar aise to nahin the

ye kya ki KHafa ho to uTha lete ho KHanjar

tum shoKH bahut the magar aise to nahin the

le ja ke use bich samundar mein uDate

majbur parinde ke par aise to nahin the

dekho to nazar talKH jo chakkho to zaban talKH

phul aise nahin the samar aise to nahin the

jis peD pe rahte ho usi peD ko kaTo

kya ho gaya tum be-hunar aise to nahin the

suraj ki jagah sham' samundar ki jagah nahr

the KHub muqaddar magar aise to nahin the