یہ بات بھی نہ جانتے انجان ہیں سبھی

یہ بات بھی نہ جانتے انجان ہیں سبھی

دنیا میں چند روز کے مہمان ہیں سبھی

موجود گھر میں سکھ کے یوں سامان ہیں سبھی

پھر بھی یہاں پے لوگ پریشان ہیں سبھی

انسانیت سے بڑھ کے نہ مذہب کوئی بھی ہے

یہ بات جو نہ جانتے نادان ہیں سبھی

دنیا میں ان کو رتبہ زیادہ نہ مل سکا

اتنی سی بات ہی سے پشیمان ہیں سبھی

ویرانیوں میں چیخنے والا یہ کون ہے

یہ بات سوچ سوچ کے حیران ہیں سبھی

بے بات کا ہی خوف تھا اس امتحان کا

اگیاتؔ یہ سوال تو آسان ہیں سبھی