ye baat ye tabassum ye naz ye nigahen
ye baat ye tabassum ye naaz ye nigāheñ
āḳhir tumhīñ batāo kyūñkar na tum ko chāheñ
ab sar uThā ke maiñ ne shikvoñ se haat uThāyā
mar jā.ūñgā sitamgar nīchī na kar nigāheñ
kuchh gul hī se nahīñ hai rūh-e-numū ko raġhbat
gardan meñ ḳhaar kī bhī Daale hue hai bāñheñ
allāh rī dil-farebī jalvoñ ke bāñkpan kī
mahfil meñ vo jo aa.e kaj ho ga.iiñ kulāheñ
ye bazm 'josh' kis ke jalvoñ kī rahguzar hai
har zarre meñ haiñ ġhaltāñ uThtī huī nigāheñ
ye baat ye tabassum ye naz ye nigahen
aaKHir tumhin batao kyunkar na tum ko chahen
ab sar uTha ke main ne shikwon se hat uThaya
mar jaunga sitamgar nichi na kar nigahen
kuchh gul hi se nahin hai ruh-e-numu ko raghbat
gardan mein KHar ki bhi Dale hue hai banhen
allah ri dil-farebi jalwon ke bankpan ki
mahfil mein wo jo aae kaj ho gain kulahen
ye bazm 'josh' kis ke jalwon ki rahguzar hai
har zarre mein hain ghaltan uThti hui nigahen
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
