ye baaten aaj ki kal jis kitab mein likhna

ye bāteñ aaj kī kal jis kitāb meñ likhnā

tum apne jurm ko mere hisāb meñ likhnā

hadīs-e-dil ko qalam se na āshnā karnā

kahāniyāñ hī hamesha javāb meñ likhnā

mujhe samajhne kī koshish hai shaġhl-e-lā-hāsil

jo chāhnā vahī tum mere baab meñ likhnā

vo kahte haiñ likho naama magar lihāz rahe

hamārā naam na hargiz ḳhitāb meñ likhnā

miTā miTā jo rahā zulmatoñ ke parde meñ

vo harf-e-haq varaq-e-āftāb meñ likhnā

hamesha jis kī havas ko thī ārzū-e-bahisht

usī kī ruuh rahī thī azaab meñ likhnā

jo baat likhne ko thā muztarib bahut 'naushād'

vahī maiñ bhuul gayā iztirāb meñ likhnā

ye baaten aaj ki kal jis kitab mein likhna

tum apne jurm ko mere hisab mein likhna

hadis-e-dil ko qalam se na aashna karna

kahaniyan hi hamesha jawab mein likhna

mujhe samajhne ki koshish hai shaghl-e-la-hasil

jo chahna wahi tum mere bab mein likhna

wo kahte hain likho nama magar lihaz rahe

hamara nam na hargiz KHitab mein likhna

miTa miTa jo raha zulmaton ke parde mein

wo harf-e-haq waraq-e-aftab mein likhna

hamesha jis ki hawas ko thi aarzu-e-bahisht

usi ki ruh rahi thi azab mein likhna

jo baat likhne ko tha muztarib bahut 'naushad'

wahi main bhul gaya iztirab mein likhna