ye basti jaani-pahchani bahut hai
ye bastī jānī-pahchānī bahut hai
yahāñ va.adoñ kī arzānī bahut hai
shagufta lafz likkhe jā rahe haiñ
magar lahjoñ meñ vīrānī bahut hai
subuk-zarfoñ ke qaabū meñ nahīñ lafz
magar shauq-e-gul-afshānī bahut hai
hai bāzāroñ meñ paanī sar se ūñchā
mire ghar meñ bhī tuġhyānī bahut hai
na jaane kab mire sahrā meñ aa.e
vo ik dariyā ki tūfānī bahut hai
na jaane kab mire āñgan meñ barse
vo ik bādal ki nuqsānī bahut hai
ye basti jaani-pahchani bahut hai
yahan wadon ki arzani bahut hai
shagufta lafz likkhe ja rahe hain
magar lahjon mein virani bahut hai
subuk-zarfon ke qabu mein nahin lafz
magar shauq-e-gul-afshani bahut hai
hai bazaron mein pani sar se uncha
mere ghar mein bhi tughyani bahut hai
na jaane kab mere sahra mein aae
wo ek dariya ki tufani bahut hai
na jaane kab mere aangan mein barse
wo ek baadal ki nuqsani bahut hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
