ye basti pyar ki neamat se Khaali hoti jati hai

ye bastī pyaar kī ne.amat se ḳhālī hotī jaatī hai

ki har hātim kī sūrat bhī savālī hotī jaatī hai

kisī se pūchh lo ta.abīr apne apne ḳhvāboñ kī

dayār-e-misr meñ phir ḳhushk-sālī hotī jaatī hai

ye kaise rañg utre haiñ jinheñ dekhā nahīñ jaatā

ye kaisī sub.h phūTī hai jo kaalī hotī jaatī hai

purāne maqbaroñ meñ bhī darāḌeñ paḌtī jaatī haiñ

na.ī ta.amīr bhī naqsh-e-ḳhayālī hotī jaatī hai

bahāv aa.e din umr-e-ravāñ kā ghaTtā jaatā hai

ye ThāTheñ mārtī naddī bhī naalī hotī jaatī hai

ye basti pyar ki neamat se KHali hoti jati hai

ki har hatim ki surat bhi sawali hoti jati hai

kisi se puchh lo tabir apne apne KHwabon ki

dayar-e-misr mein phir KHushk-sali hoti jati hai

ye kaise rang utre hain jinhen dekha nahin jata

ye kaisi subh phuTi hai jo kali hoti jati hai

purane maqbaron mein bhi daraDen paDti jati hain

nai tamir bhi naqsh-e-KHayali hoti jati hai

bahaw aae din umr-e-rawan ka ghaTta jata hai

ye ThaThen marti naddi bhi nali hoti jati hai