ye be-nawai hamari sauda-e-sar hai ghar mein basa diya hai

ye be-navā.ī hamārī saudā-e-sar hai ghar meñ basā diyā hai

makān ḳhālī hai lekin is ko nigār-ḳhāna banā diyā hai

tamām umr-e-azīz apnī isī tarah se gañvā.ī ham ne

kabhī jo so.e to ḳhvāb dekhā kisī ne ham ko jagā diyā hai

na kuchh rahā hai ki ham hī rakhte na kuchh bachā hai ki tum ko dete

matā-e-dil thī luTā ke aa.e jo qarz-e-jāñ thā chukā diyā hai

ye shaan dekho qalandaroñ kī hai jis pe dār-o-madār-e-hastī

vo āshiyāñ phūñk kar har ik shāḳh par nasheman banā diyā hai

ye zindagī kī sitam-zarīfī nahīñ to phir aur kyā hai 'āzar'

vo jin kī ḳhātir bhaTak rahe haiñ unhī ne ham ko bhulā diyā hai

ye be-nawai hamari sauda-e-sar hai ghar mein basa diya hai

makan KHali hai lekin is ko nigar-KHana bana diya hai

tamam umr-e-aziz apni isi tarah se ganwai hum ne

kabhi jo soe to KHwab dekha kisi ne hum ko jaga diya hai

na kuchh raha hai ki hum hi rakhte na kuchh bacha hai ki tum ko dete

mata-e-dil thi luTa ke aae jo qarz-e-jaan tha chuka diya hai

ye shan dekho qalandaron ki hai jis pe dar-o-madar-e-hasti

wo aashiyan phunk kar har ek shaKH par nasheman bana diya hai

ye zindagi ki sitam-zarifi nahin to phir aur kya hai 'azar'

wo jin ki KHatir bhaTak rahe hain unhi ne hum ko bhula diya hai