ye bhi koi waza aane ki hai jo aate ho tum

ye bhī koī vaz.a aane kī hai jo aate ho tum

ek dam aa.e nahīñ guzrā ki phir jaate ho tum

duur se yuuñ to koī jhamkī dikhā jaate ho tum

par jo chāhūñ ye ki paas aao kahāñ aate ho tum

kahiye mujh se to bhalā itnā ki kuchh maiñ bhī sunūñ

banda-parvar kis ke haañ tashrīf farmāte ho tum

us parī-sūrat balā-añgez ko dekhā nahīñ

nāseho ma.azūr ho gar mujh ko samjhāte ho tum

dekhiye ḳhirman pe ye barq-e-balā kis ke paḌe

be-tarah kuchh tevarī badle chale aate ho tum

jo koī banda ho apnā is se phir kyā hai hijāb

maiñ to is laa.eq nahīñ jo mujh se sharmāte ho tum

aaj ye go aur ye maidāñ unheñ kah dījiye

dekh luuñ jin ke bharose mujh ko dhamkāte ho tum

phir na āveñge kabhī aisī hī gar āzurda ho

bas chale ham ḳhush raho kaahe ko jhuñjlāte ho tum

hālat-e-'bedār' ab kyā kījiye aap aage bayāñ

vaqt hai ab bhī agar tashrīf farmāte ho tum

ye bhi koi waza aane ki hai jo aate ho tum

ek dam aae nahin guzra ki phir jate ho tum

dur se yun to koi jhamki dikha jate ho tum

par jo chahun ye ki pas aao kahan aate ho tum

kahiye mujh se to bhala itna ki kuchh main bhi sunun

banda-parwar kis ke han tashrif farmate ho tum

us pari-surat bala-angez ko dekha nahin

naseho mazur ho gar mujh ko samjhate ho tum

dekhiye KHirman pe ye barq-e-bala kis ke paDe

be-tarah kuchh tewari badle chale aate ho tum

jo koi banda ho apna is se phir kya hai hijab

main to is laeq nahin jo mujh se sharmate ho tum

aaj ye go aur ye maidan unhen kah dijiye

dekh lun jin ke bharose mujh ko dhamkate ho tum

phir na aawenge kabhi aisi hi gar aazurda ho

bas chale hum KHush raho kahe ko jhunjlate ho tum

haalat-e-'bedar' ab kya kijiye aap aage bayan

waqt hai ab bhi agar tashrif farmate ho tum