یہ بھی ممکن ہے مجھے تجھ سے محبت نہ رہے

یہ بھی ممکن ہے مجھے تجھ سے محبت نہ رہے

یا رہے بھی تو تری اور ضرورت نہ رہے

سوچتی ہوں کہ کوئی راستہ مل جائے مجھے

جہاں باقی ترے ٹکرانے کی صورت نہ رہے

اس سے بہتر تو مجھے عالم مدہوشی ہے

عالم ہوش میں باقی جہاں حیرت نہ رہے

جس حقارت سے مری چاہ کو رد تو نے کیا

کاش ایسا ہو کسی کو تری چاہت نہ رہے

دم آخر یوں پلٹ کر مجھے دیکھا اس نے

جیسے بندے کو کسی شے کی ضرورت نہ رہے

اتنی بن جائے فقط دل میں محبت کی جگہ

کوئی رنجش نہ رہے کوئی کدورت نہ رہے