ye bhi nahin ki humne bharosa kiya na ho

ye bhī nahīñ ki ham ne bharosā kiyā na ho

ye bhī nahīñ ki aañkh se parda haTā na ho

ye bhī nahīñ ki aap samajh paa.eñ dil kī baat

ye bhī nahīñ ki aap ko kuchh bhī patā na ho

ye bhī nahīñ ki sab pe zamāna ho mehrbāñ

ye bhī nahīñ kisī se zamāna ḳhafā na ho

ye bhī nahīñ ki aañkh hai dar par lagī huī

ye bhī nahīñ ki dil ko koī aasrā na ho

ye bhī nahīñ ki zabt se guzre nahīñ kabhī

ye bhī nahīñ ki aañkh se aañsū bahā na ho

ye bhī nahīñ ki yaas ke bādal jame rahe

ye bhī nahīñ ki aas kā sūraj ugā na ho

ye bhī nahīñ ki va.ade nibāhe ga.e hoñ sab

ye bhī nahīñ ki koī bhī va.ada vafā na ho

ye bhi nahin ki hum ne bharosa kiya na ho

ye bhi nahin ki aankh se parda haTa na ho

ye bhi nahin ki aap samajh paen dil ki baat

ye bhi nahin ki aap ko kuchh bhi pata na ho

ye bhi nahin ki sab pe zamana ho mehrban

ye bhi nahin kisi se zamana KHafa na ho

ye bhi nahin ki aankh hai dar par lagi hui

ye bhi nahin ki dil ko koi aasra na ho

ye bhi nahin ki zabt se guzre nahin kabhi

ye bhi nahin ki aankh se aansu baha na ho

ye bhi nahin ki yas ke baadal jame rahe

ye bhi nahin ki aas ka suraj uga na ho

ye bhi nahin ki wade nibahe gae hon sab

ye bhi nahin ki koi bhi wada wafa na ho