ye bhi shayad tera eajaz-e-nazar hai ai dost

ye bhī shāyad tirā e.ajāz-e-nazar hai ai dost

sho.ala-e-dard mujhe ik gul-e-tar hai ai dost

terī āvāz to sahrā meñ bhaTak jaatī hai

kis taraf jā.ūñ maiñ tū jaane kidhar hai ai dost

haa.e ye be-sar-o-sāmānī-o-be-tartībī

zindagī kyā kisī mai-ḳhvār kā ghar hai ai dost

kitne tūfānoñ ko sar kartī hai ik sham-e-vafā

aur vo sham-e-vafā dard-e-jigar hai ai dost

gar ho ḳhvābīda to patthar ke sivā kuchh bhī nahīñ

jaag jaa.e jo yahī dil to sharar hai ai dost

yuuñ to ġham ziist ko be-rañg banā detā hai

dil-jaloñ kā yahī sarmāye magar hai ai dost

ye bhi shayad tera eajaz-e-nazar hai ai dost

shoala-e-dard mujhe ek gul-e-tar hai ai dost

teri aawaz to sahra mein bhaTak jati hai

kis taraf jaun main tu jaane kidhar hai ai dost

hae ye be-sar-o-samani-o-be-tartibi

zindagi kya kisi mai-KHwar ka ghar hai ai dost

kitne tufanon ko sar karti hai ek sham-e-wafa

aur wo sham-e-wafa dard-e-jigar hai ai dost

gar ho KHwabida to patthar ke siwa kuchh bhi nahin

jag jae jo yahi dil to sharar hai ai dost

yun to gham zist ko be-rang bana deta hai

dil-jalon ka yahi sarmaye magar hai ai dost