ye bichhaDna to meri jaan bichhaDna na hua

ye bichhaḌnā to mirī jaan bichhaḌnā na huā

mil ke ro.e bhī nahīñ hashr bhī barpā na huā

ek vahshat sī rahī tujh se bichhaḌ kar dil meñ

lab-e-sākit se magar koī bhī shikva na huā

tujh ko pā kar bhī mukammal nahīñ ho paayā kabhī

aur maiñ tujh se bichhaḌ ke bhī adhūrā na huā

vahshat-e-ishq ne masrūf rakhā tujh meñ sadā

aur tujh ko kabhī mujh par hī bharosa na huā

jā.iye ham bhī ye taslīm kiye lete haiñ

ham ne dekhā thā koī ḳhvāb jo puurā na huā

ye bichhaDna to meri jaan bichhaDna na hua

mil ke roe bhi nahin hashr bhi barpa na hua

ek wahshat si rahi tujh se bichhaD kar dil mein

lab-e-sakit se magar koi bhi shikwa na hua

tujh ko pa kar bhi mukammal nahin ho paya kabhi

aur main tujh se bichhaD ke bhi adhura na hua

wahshat-e-ishq ne masruf rakha tujh mein sada

aur tujh ko kabhi mujh par hi bharosa na hua

jaiye hum bhi ye taslim kiye lete hain

hum ne dekha tha koi KHwab jo pura na hua