ye chand jo bachchon ka khilauna hai meri dost

ye chāñd jo bachchoñ kā khilaunā hai mirī dost

kho jā.egā is baat kā ronā hai mirī dost

ye zardī-e-ruḳhsār na miTTī meñ milegī

ye zardī-e-ruḳhsār to sonā hai mirī dost

chal baaġh meñ rote haiñ gulāboñ se lipaT kar

ghar meñ bhī to takiya hī bhigonā hai mirī dost

maujūd bhī aise huuñ ki maujūd nahīñ huuñ

sābit mire hone se na honā hai mirī dost

dhartī ne bhī sote meñ hameñ zaḳhm diye haiñ

ye sej bhī kāñToñ kā bichhaunā hai mirī dost

auroñ kī tarah mujh se bichhaḌ jā.egā vo bhī

honā hai kisī roz ye honā hai mirī dost

ye chand jo bachchon ka khilauna hai meri dost

kho jaega is baat ka rona hai meri dost

ye zardi-e-ruKHsar na miTTi mein milegi

ye zardi-e-ruKHsar to sona hai meri dost

chal bagh mein rote hain gulabon se lipaT kar

ghar mein bhi to takiya hi bhigona hai meri dost

maujud bhi aise hun ki maujud nahin hun

sabit mere hone se na hona hai meri dost

dharti ne bhi sote mein hamein zaKHm diye hain

ye sej bhi kanTon ka bichhauna hai meri dost

auron ki tarah mujh se bichhaD jaega wo bhi

hona hai kisi roz ye hona hai meri dost