ye dasht-e-shauq ka lamba safar achchha nahin lagta

ye dasht-e-shauq kā lambā safar achchhā nahīñ lagtā

magar Thahrūñ kahāñ koī shajar achchhā nahīñ lagtā

yahī ik baat ab maiñ sochtā rahtā huuñ ḳhalvat meñ

na jaane kyuuñ mujhe ab terā dar achchhā nahīñ lagtā

karam karte nahīñ kyuuñ tum mire qalb-e-shikasta par

mirā yuuñ ġham-zada rahnā agar achchhā nahīñ lagtā

nigāhoñ se jo ojhal us gul-e-ra.anā kā jalva hai

ye rañg-e-shām ye rang-e-sahar achchhā nahīñ lagtā

udhar vo bhī bichhaḌ ke ham se kho.e kho.e rahte haiñ

akelā mujh ko bhī rahnā idhar achchhā nahīñ lagtā

uThī hai jab se ye dīvār-e-nafrat dil ke āñgan meñ

mujhe ai dosto ḳhud apnā ghar achchhā nahīñ lagtā

ye dasht-e-shauq ka lamba safar achchha nahin lagta

magar Thahrun kahan koi shajar achchha nahin lagta

yahi ek baat ab main sochta rahta hun KHalwat mein

na jaane kyun mujhe ab tera dar achchha nahin lagta

karam karte nahin kyun tum mere qalb-e-shikasta par

mera yun gham-zada rahna agar achchha nahin lagta

nigahon se jo ojhal us gul-e-rana ka jalwa hai

ye rang-e-sham ye rang-e-sahar achchha nahin lagta

udhar wo bhi bichhaD ke hum se khoe khoe rahte hain

akela mujh ko bhi rahna idhar achchha nahin lagta

uThi hai jab se ye diwar-e-nafrat dil ke aangan mein

mujhe ai dosto KHud apna ghar achchha nahin lagta