ye dastak aur ye dar mera nahin hai

ye dastak aur ye dar merā nahīñ hai

ab is bastī meñ ghar merā nahīñ

safar hai aur hī darpesh mujh ko

ye musht-e-ḳhāk ghar merā nahīñ hai

maiñ kis bārūd meñ bikhrī paḌī huuñ

ye dhaḌ merā hai sar merā nahīñ hai

mujhe mere havāle kar gayā hai

to kyā hai vo agar merā nahīñ hai

ye kis āñgan meñ jhuktā jā rahā hai

shajar merā hai ghar merā nahīñ hai

safar hai ḳhvāb meñ sahrā-e-jāñ kā

magar vo ham-safar merā nahīñ hai

maiñ kyoñ us kī kahānī ban ga.ī huuñ

agar vo harf-gar merā nahīñ hai

ajab sī aañch dil tak aa rahī hai

ye shorīda sharar merā nahīñ hai

shab-e-sajda jabīñ par jam gayā kyā

ye dāġh-e-ishq gar merā nahīñ hai

urūs-e-shām rotī phir rahī hai

ye aañsū chashm-e-tar merā nahīñ hai

jo mere saath chaltā jā rahā hai

vo saaya hai magar merā nahīñ hai

'sahar' ye aur hī duniyā hai koī

yahāñ koī bhī Dar merā nahīñ hai

ye dastak aur ye dar mera nahin hai

ab is basti mein ghar mera nahin

safar hai aur hi darpesh mujh ko

ye musht-e-KHak ghar mera nahin hai

main kis barud mein bikhri paDi hun

ye dhaD mera hai sar mera nahin hai

mujhe mere hawale kar gaya hai

to kya hai wo agar mera nahin hai

ye kis aangan mein jhukta ja raha hai

shajar mera hai ghar mera nahin hai

safar hai KHwab mein sahra-e-jaan ka

magar wo ham-safar mera nahin hai

main kyon us ki kahani ban gai hun

agar wo harf-gar mera nahin hai

ajab si aanch dil tak aa rahi hai

ye shorida sharar mera nahin hai

shab-e-sajda jabin par jam gaya kya

ye dagh-e-ishq gar mera nahin hai

urus-e-sham roti phir rahi hai

ye aansu chashm-e-tar mera nahin hai

jo mere sath chalta ja raha hai

wo saya hai magar mera nahin hai

'sahar' ye aur hi duniya hai koi

yahan koi bhi Dar mera nahin hai