ye daur-e-taraqqi hai rifat ka zamana hai
ye daur-e-taraqqī hai rif.at kā zamāna hai
zarroñ ko uThānā hai tāroñ se milānā hai
āġhosh-e-tasavvur hai aur naqsh-e-jamīl un kā
duurī hai na majbūrī aanā hai na jaanā hai
nairañg-e-mohabbat hai har raaz mire dil kā
chup huuñ to haqīqat hai kah duuñ to fasānā hai
armān-e-tajallī kā kotāh bhī kar qissa
ai dost tujhe āḳhir ik din nazar aanā hai
kyā sho.abada-sāmāñ hai 'sīmāb' zamāna bhī
har shaḳhs samajhtā hai merā hī zamāna hai
ye daur-e-taraqqi hai rifat ka zamana hai
zarron ko uThana hai taron se milana hai
aaghosh-e-tasawwur hai aur naqsh-e-jamil un ka
duri hai na majburi aana hai na jaana hai
nairang-e-mohabbat hai har raaz mere dil ka
chup hun to haqiqat hai kah dun to fasana hai
arman-e-tajalli ka kotah bhi kar qissa
ai dost tujhe aaKHir ek din nazar aana hai
kya shoabada-saman hai 'simab' zamana bhi
har shaKHs samajhta hai mera hi zamana hai
- Book : Intekhab-e-Sukhan(Jild-2) (Pg. 251)
- Author : Hasrat Mohani
- Publication : uttar pradesh urdu academy (1983)
- Edition : 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
