ye dil jo muztarib rahta bahut hai

ye dil jo muztarib rahtā bahut hai

koī is dasht meñ taḌpā bahut hai

koī is raat ko Dhalne se roke

mirā qissa abhī rahtā bahut hai

bahut hī tañg huuñ āñkhoñ ke hāthoñ

ye dariyā aaj kal bahtā bahut hai

ba-vaqt-e-shām ikaTThe Dūbte haiñ

dil aur sūraj meñ yārāna bahut hai

bahut hī raas hai sahrā lahū ko

ki sahrā meñ lahū ugtā bahut hai

mubārak us ko us ke tar nivāle

mujhe sūkhā huā TukḌā bahut hai

bayāz is vāste ḳhālī hai merī

mujhe aflās ne bechā bahut hai

butoñ kā naam bhī paḌhtā hai 'be-dil'

ḳhudā kā naam bhī letā bahut hai

ye dil jo muztarib rahta bahut hai

koi is dasht mein taDpa bahut hai

koi is raat ko Dhalne se roke

mera qissa abhi rahta bahut hai

bahut hi tang hun aankhon ke hathon

ye dariya aaj kal bahta bahut hai

ba-waqt-e-sham ikaTThe Dubte hain

dil aur suraj mein yarana bahut hai

bahut hi ras hai sahra lahu ko

ki sahra mein lahu ugta bahut hai

mubarak us ko us ke tar niwale

mujhe sukha hua TukDa bahut hai

bayaz is waste KHali hai meri

mujhe aflas ne becha bahut hai

buton ka nam bhi paDhta hai 'be-dil'

KHuda ka nam bhi leta bahut hai